شاپر کے بعد اب بناسپتی گھی بھی BANNED مگر کیوں ؟



تحریر :راحیلہ کوثر

پرسوں مجھے گروسری کے سلسلے میں لاہور کے مشہور شاپنگ مال جانے کی ضرورت پیش آئی  ۔ دیگر اشیاء خرید لینے کے بعد بناسپتی گھی کی تلاش شروع ہوئی تو ہرسوں ککنگ آئل کے ہی دیدار ہوئے پھر لگا کہ شائد ہمیں ہی کچھ مبالغہ ہو رہا ہے چنانچہ قریبی کھڑے اسٹاف ممبر سے دریافت کیا کہ گھی ہمیں ہی نہیں دکھ رہا یا واقعہ تن غائب ہے۔ تو اس نے بتایا کہ بناسپتی گھی بین ہو گیا ہے میں نے جب  اس سے وجہ دریافت کی تو اس نے لا علمی کا اظہار کیا ۔ مجھے بے ساختہ ہنسی آگئی کہ شاپر کے بعد  اب بناسپتی گھی  بھی بین۔ تو بال آخر محکمہ ماحولیات کے بعد محکمہ خوراک کو بھی ہماری صحت کی کچھ فکر ہوئی۔
کیونکہ دنیا کے کئی ممالک میں بناسپتی گھی بہت پہلے سے ہی بین ہے ۔جس کی وجہ اس میں پائے جانے والی مضر صحت عناصر ہیں ۔مگر پاکستان میں گزشہ کئی سالوں میں کئی بناسپتی گھی بنانے والی بہت  سی کمپنیاں حرام اور مردہ جانوروں کی آلائشوں ہڈیوں اور چربی تک کو گھی بنانے کی لئیے استعمال کر رہیں تھیں چناچہ پنجاب فوڈ اتھارٹی نے ان تمام کمپنیوں کو لیبارٹری ٹیسٹ کے بعد حفظان صحت کے اصولں کی پامالی کے سبب بھاری جرمانے کئیے  اور ان کی مصنوعات کو بھی  مضر صحت قرار دے کر حزف  کر  دیا گیا اور ان کو مارکیٹ میں  بین کر دیا  ۔علاوہ ازیں  ان 61 کمپنیوں کے ناموں کی باقائدہ فہرست بھی اخبارات میں جاری کی گئی ۔
مگر ان پر پابندی عائد کر دینے سے صحت کو لاحق خطرات ختم ہونا تو دور ٹل بھی نہیں سکتے ۔ اگر بناسپتی گھی میں غلیظ اجزہ کی آمیزش کو ختم بھی کر دیا جائے تب بھی اس میں مضر صحت اجزاہ کی شمولیت اس کے تکمیلی مراحل کے دوران گھی میں زم ہو جاتی ہے ۔ ان مضر صحت اجزاہ میں سلفر، ٹرانس، فیٹی ایسڈ ، پالمٹک ایسڈ اور نکل شامل ہیں ۔ یہ تمام اجزا انسانی جسم میں موٹاپا، شوگر، دل اور دماغ کے امراض کے ساتھ ساتھ کینسر جیسا موذی مرض پھیلانے کی بڑی وجہ ہیں ۔ لحاضہ حکومت نے 2020 سے بناسپتی گھی پر مکمل پابندی عائد کرنے کا اعلان کر دیا  ہے جو کہ میرے مطابق پاکستانیوں کی صحت کو بحال رکھنے کی بہترین کاوش ہے ۔
 مجھےتو  میری عوام کی بھی فکر ہوتی ہے کہ جن کی صبح گھی چپڑے پراٹھوں سے اور رات گھی میں تلے کھابوں پر ہوی ہے ۔ کیا وہ ککنگ آئل کو بطور متبادل اپنائیں گے یا واپس دیسی گھی پر آجائیں گے۔دوسری جانب اس مہنگائ اور افراتفری کے دور میں اس پابندی کے عائد ہونے سے کتنے غریب مزدوروں کو بے روزگاری اور فاقوں کا سامنا کرنا پڑے گا یہ ایک الگ کہانی ہے جس کا انجام بھیانک بھی ہو سکتا ہے۔ چنانچہ حکومت کو ان مزدوروں کو متبادل روزگار فراہم کرنے کے متعلق بھی سوچنا ہو گا ۔ دوسری جانب ان فیکٹری کے مالکان کو بھی متبادل کاروبار کے متعلق فکر کرنا ہوگی تاکہ معاشرتی تصادم اور بے روزگاری کو قابو میں رکھا جا سکے ۔

تبصرے

ایک تبصرہ شائع کریں

اس بلاگ سے مقبول پوسٹس

چھپڑ کے مینڈک اور کھابہ گاہیں

تصویر
تحریر: راحیلہ کوثر  لاہور اور لا ہوریوں کا کھابوں سے چولی دامن کا تعلق ہے۔ بات جب مرچ مصالحہ اور چکن ،مٹن یا بیف کی ہو تو لاہوری نہیں ہاتھ کھینچتے  اور چڑوں کے تو سب کےسب ہی شیدائ ہیں۔ایک دور تھا کہ دیسی مرغ کی ہانڈی کھا کر ہی دل خوش ہو جاتا تھا۔ آلو گوشت اور گوشت پلاو اور کباب گھر میں ہی سب بنا کر کھاتے  تھے۔ نہ تب شوادمے تھے نہ ذنگر ونگر، بہت حد تھی بھی تو شامی برگر  تک ہی رسائی تھی۔گھروں سے باہر جا کر کھانا کھانے کو ذیادہ تر گھرانوں میں معیوب سمجھا جاتا تھا۔پھر جوں جوں وقت گزرتا گیا روایات بھی بدلتی گئیں ۔مہینے میں دو سے تین بار باہر بمع اہل  و ایال جا کر کھانا ایک طرح کا فیشن ہی بن گیا۔ دیکھتے ہی دیکھتے نت نئے کھابے مارکیٹ میں آنے لگے چپے چپے پر ہوٹل کھلنے لگے۔اب ہرطعتیل کا باہر سے کھائے پئیے بنا مکمل ہونے کا تصور ہی ممکن نہ رہا۔اب مقابلہ باذی کا آغاذ ہوا کہ کس کس ہربہ سے گاہک کو گھیرا جائے۔لا تعداد قومی اور بین الاقوامی پکوان متعارف اور مقبول ہوتے گئے۔ جن میں سر فہرست برگر اور شوارما ہیں۔ جیسے جیسے یہ کھابےعوام الناس میں مقبول ہوتے گئے...
مزید پڑھیں

سالگرہ مبارک

تصویر
آج پیاری بہن ڈاکٹر مہوش اعجاز کی سالگرہ ہے۔مہوش کی سالگرہ کے موقع پر  تحریر کا آغاز کرتے ہوئے اس کے بھائی شفیق علی  کی بات یاد آئی جسے سب علی کہہ کے بلاتے ہیں۔ علی نے ایک مرتبہ میرا لکھا کوئی آرٹیکل پڑھ کر اپنا حوالہ دیتے ہوئے مجھ سے کہا کہ علینہ باجی کبھی اپنے یہ والے بہن بھائیوں کے بارے میں بھی کچھ لکھ لیں۔  تب میں نے اس تحریر کو سرپرائز رکھنے کی غرض سے اسے یہ کہہ کر ٹال دیا کہ جب موقع آیا تو ضرور لکھوں گی، ابھی بے موقع لکھنا مناسب نہیں ہے۔ تب میں نے یہ سچ بھی کہا تھا۔مہوش کو ہم اس کے اصلی نام سے کم اور پیار کے نام  چندا سےمخاطب زیادہ کرتے ہیں۔ چندا اور میری فیملیز کو ایک ساتھ رہتے ہوئے سات آٹھ سال کا عرصہ کیسےگزر گیا پتا بھی نہیں چلا۔ انسان کی زندگی میں کچھ لوگوں سے دل کے تار  کچھ اس طرح ملے ہوتے ہیں جن کے بارے میں یوں لگتا ہے جیسے ان سے آنکھ کھولتے ہی  دل کا رشتہ قائم ہو گیا تھا۔تو اس خاندان سے بھی ہمارا وہی دل کا رشتہ  استوارہے۔ چندا کا ایم بی بی ایس اور میرا ایم ایس صحافت  تقریباً ایک ساتھ ہی مکمل ہوا تھا۔ مجھے یاد ہے میں گھر کے نیچ...
مزید پڑھیں