جنون کے 25 سال



یہ غالباً 1997ء کی بات ہے الیکشن کی گہما گہمی تھی۔ملک کی اس وقت کی دو بڑی سیاسی جماعتوں میں مقابلہ عروج پہ تھا۔ ہر جانب پیپلز پارٹی کی امیدوار محترمہ بے نظیربھٹو اور مسلم لیگ نون کے امیدوار میاں محمد نواز شریف کے حق میں نعرے بازی سننے کو مل رہی تھی۔میں اس وقت بہت چھوٹی تھی اور سیاست میں انتہائی عدم دلچسپی تھی مگر بڑوں کو آپس میں سیاست پرتھوڑی بہت بحث کرتے دیکھا کرتی تھی۔ کچھ لوگ نون لیگ جبکہ دیگر پیپلز پارٹی کے حامی افراد تھے۔

 الیکشن والے دن عام عوام کی طرح ہمارے خاندان کے بڑے بھی ہم بچوں کو ساتھ لیے پولنگ اسٹیشنز کی جانب حقِ رائے دہی کے استعمال کے لیے رواں دواں تھے۔ راستے میں بڑوں کی آپس میں اپنی اپنی پارٹیوں کی حمایت میں نوک جھوک بھی چل رہی تھی۔ کبھی کبھی تودورانِ گفتگو ازراہِ شغل وہ ہم بچوں کو بھی شامل کر  لیتے کہ بچوہم لوگ جس امیدوار کو ووٹ دینے جا رہے ہیں تم لوگوں نے اس پارٹی کے سربراہ کے حق میں نعرے لگانے ہیں۔ ہم انھیں دیکھ کر محض مسکرا دیتے کہ ہماری سمجھ میں کم عمری کے باعث ان سب کی باتیں اور رویے سمجھ نہیں آتے تھے ۔ایک حقیقت یہ بھی ہے کہ اس وقت کی سیاست سے ناواقفیت کے باوجود بھی تب سے لے کرآج تک کبھی ان دو پارٹیوں کے حق میں ایسے کسی نعرے کے لیے زبان نے ساتھ دیا نہ ہی دل و دماغ نے۔

جب ہم پولنگ اسٹیشن پہنچے  تو میرے لیے ایک بات بے تحاشا باعثِ  حیرت تھی کہ میں نے وہاں 10سے 12سال کی عمر کا ایک بچہ دیکھاجو مجھ سے عمر میں چند سال بڑا تھا اور وہ ان دونوں پارٹیوں کے سربراہان کی بجائے کسی تیسری پارٹی کے سربراہ کے حق میں نعرہ لگا رہا تھا، "قدم بڑھاؤ عمران خان! ہم تمھارے ساتھ ہیں۔" میں نے ادھر ادھر نگاہ دوڑائی کہ شاید یہ بھی ہماری طرح اپنے بڑوں کے ساتھ یہاں پولنگ اسٹیشن آیا ہو مگر ایسا کچھ نہ تھا وہ اکیلا ہی وہاں پولنگ اسٹیشن کے باہرموجود تھا۔1997ءمیں میں نےزندگی میں پہلی مرتبہ پاکستان کے موجودہ وزیرِ اعظم جناب عمران خان صاحب کے لیے اتنی چھوٹی عمر والاکوئی جنونی دیکھا تھا۔

پولنگ اسٹیشن آتے جاتے لوگ اسےیوں تنہا عمران خان صاحب کے حق میں نعرے بازی کرتے  دیکھ کر ہنستےکچھ تمسخر اڑاتےاورفقرے کستے گزر جاتے۔ ہم گھر واپس آ گئے مگر میرے ذہن میں یہ بات اب تک کے لیے نقش ہو کر رہ گئی۔1997ء کےالیکشن میں تو جناب عمران خان  صاحب کوئی خاطر خواہ  کامیابی حاصل نہیں کر پائے مگر ان کے اس سیاسی دور کا وہ حصہ بہت اہمیت کا حامل رہا۔

پاکستان کی محبت میں جنونی جناب عمران خان صاحب کےسیاسی سفر کی کٹھن اور سخت جدوجہد کو آج تقریباً 25 سال کا عرصہ بیت چکا ہے۔ بہت سے لوگ اپنے ذاتی اورمنفی مقاصد کو حاصل کرنے کی خاطر ڈٹ جایا کرتے ہیں مگر دوسروں کے لیے اپنے نفع و نقصان کی پروا کیے بغیر لڑنےوالے لوگ نایاب ہوتے ہیں۔ عمران خان صاحب کی سیاسی پالیسیوں سے لاکھ اختلاف کیجئے مگر عمران احمد خان نیازی پاکستان اوراپنے پاکستانیوں کے لیے بدنیت اور انھیں لوٹ کھسوٹ کر پاکستان سے باہر اپنی ذاتی تجوریاں بھرنےوالا شخص ہرگز نہیں ہے۔ مہنگائی کا جو طوفان اس وقت برپا ہے اس پر قابو پاناقطعی آسان نہیں ہے۔ جب 2013کے الیکشن کا دور تھا تو سیاسی شعور رکھنے والےتب بھی اظہارِ خیال کر رہے تھے کہ عمران خان کو ابھی موقع ملنا چاہیئے ورنہ آنے والے دنوں میں ملک کو ایسی ہی صورتحال سے دوچار ہونا پڑے گا جیسا اب ہم دیکھ رہے ہیں۔

جناب عمران خان کی حکومت کو اس وقت مہنگائی کے ساتھ ساتھ کورونا کی وبا کے خلاف لڑنے کا بھی سامنا ہے۔یہ دونوں جنگیں تنہا لڑنا کسی بھی خطے کے حکمران کے بس کی بات نہیں ہے بلکہ اس جنگ کے خلاف لڑائی میں عوام کا ساتھ درکار ہے ۔مہنگائی کو کم کرنے کے لیے سادگی اختیار کرنے اور کورونا سے بچاؤ کے لیے ایس اوپیزپر عمل کرنے کی ضرورت ہے۔عمران خان صاحب نے ان پچیس سالوں میں ہمیشہ اپنے ملک اور ملک  کے لوگوں کے لیے کھڑا ہونا چاہا ہے لہذا اس ملک کے لوگوں پر بھی یہ ذمہ داری عائد ہوتی ہے کہ ان کے ساتھ مل کر پاکستان کے لیے کھڑے ہوں۔ اللہ تعالیٰ پاکستان کے خان جناب عمران خان کو ہمت اور کامیابی سے ہمکنار فرمائے، آمین۔

ازقلم، علینہ ظفر

تبصرے

ایک تبصرہ شائع کریں

اس بلاگ سے مقبول پوسٹس

چھپڑ کے مینڈک اور کھابہ گاہیں

تصویر
تحریر: راحیلہ کوثر  لاہور اور لا ہوریوں کا کھابوں سے چولی دامن کا تعلق ہے۔ بات جب مرچ مصالحہ اور چکن ،مٹن یا بیف کی ہو تو لاہوری نہیں ہاتھ کھینچتے  اور چڑوں کے تو سب کےسب ہی شیدائ ہیں۔ایک دور تھا کہ دیسی مرغ کی ہانڈی کھا کر ہی دل خوش ہو جاتا تھا۔ آلو گوشت اور گوشت پلاو اور کباب گھر میں ہی سب بنا کر کھاتے  تھے۔ نہ تب شوادمے تھے نہ ذنگر ونگر، بہت حد تھی بھی تو شامی برگر  تک ہی رسائی تھی۔گھروں سے باہر جا کر کھانا کھانے کو ذیادہ تر گھرانوں میں معیوب سمجھا جاتا تھا۔پھر جوں جوں وقت گزرتا گیا روایات بھی بدلتی گئیں ۔مہینے میں دو سے تین بار باہر بمع اہل  و ایال جا کر کھانا ایک طرح کا فیشن ہی بن گیا۔ دیکھتے ہی دیکھتے نت نئے کھابے مارکیٹ میں آنے لگے چپے چپے پر ہوٹل کھلنے لگے۔اب ہرطعتیل کا باہر سے کھائے پئیے بنا مکمل ہونے کا تصور ہی ممکن نہ رہا۔اب مقابلہ باذی کا آغاذ ہوا کہ کس کس ہربہ سے گاہک کو گھیرا جائے۔لا تعداد قومی اور بین الاقوامی پکوان متعارف اور مقبول ہوتے گئے۔ جن میں سر فہرست برگر اور شوارما ہیں۔ جیسے جیسے یہ کھابےعوام الناس میں مقبول ہوتے گئے...
مزید پڑھیں

سالگرہ مبارک

تصویر
آج پیاری بہن ڈاکٹر مہوش اعجاز کی سالگرہ ہے۔مہوش کی سالگرہ کے موقع پر  تحریر کا آغاز کرتے ہوئے اس کے بھائی شفیق علی  کی بات یاد آئی جسے سب علی کہہ کے بلاتے ہیں۔ علی نے ایک مرتبہ میرا لکھا کوئی آرٹیکل پڑھ کر اپنا حوالہ دیتے ہوئے مجھ سے کہا کہ علینہ باجی کبھی اپنے یہ والے بہن بھائیوں کے بارے میں بھی کچھ لکھ لیں۔  تب میں نے اس تحریر کو سرپرائز رکھنے کی غرض سے اسے یہ کہہ کر ٹال دیا کہ جب موقع آیا تو ضرور لکھوں گی، ابھی بے موقع لکھنا مناسب نہیں ہے۔ تب میں نے یہ سچ بھی کہا تھا۔مہوش کو ہم اس کے اصلی نام سے کم اور پیار کے نام  چندا سےمخاطب زیادہ کرتے ہیں۔ چندا اور میری فیملیز کو ایک ساتھ رہتے ہوئے سات آٹھ سال کا عرصہ کیسےگزر گیا پتا بھی نہیں چلا۔ انسان کی زندگی میں کچھ لوگوں سے دل کے تار  کچھ اس طرح ملے ہوتے ہیں جن کے بارے میں یوں لگتا ہے جیسے ان سے آنکھ کھولتے ہی  دل کا رشتہ قائم ہو گیا تھا۔تو اس خاندان سے بھی ہمارا وہی دل کا رشتہ  استوارہے۔ چندا کا ایم بی بی ایس اور میرا ایم ایس صحافت  تقریباً ایک ساتھ ہی مکمل ہوا تھا۔ مجھے یاد ہے میں گھر کے نیچ...
مزید پڑھیں

شاپر کے بعد اب بناسپتی گھی بھی BANNED مگر کیوں ؟

تصویر
تحریر :راحیلہ کوثر پرسوں مجھے گروسری کے سلسلے میں لاہور کے مشہور شاپنگ مال جانے کی ضرورت پیش آئی  ۔ دیگر اشیاء خرید لینے کے بعد بناسپتی گھی کی تلاش شروع ہوئی تو ہرسوں ککنگ آئل کے ہی دیدار ہوئے پھر لگا کہ شائد ہمیں ہی کچھ مبالغہ ہو رہا ہے چنانچہ قریبی کھڑے اسٹاف ممبر سے دریافت کیا کہ گھی ہمیں ہی نہیں دکھ رہا یا واقعہ تن غائب ہے۔ تو اس نے بتایا کہ بناسپتی گھی بین ہو گیا ہے میں نے جب  اس سے وجہ دریافت کی تو اس نے لا علمی کا اظہار کیا ۔ مجھے بے ساختہ ہنسی آگئی کہ شاپر کے بعد  اب بناسپتی گھی  بھی بین۔ تو بال آخر محکمہ ماحولیات کے بعد محکمہ خوراک کو بھی ہماری صحت کی کچھ فکر ہوئی۔ کیونکہ دنیا کے کئی ممالک میں بناسپتی گھی بہت پہلے سے ہی بین ہے ۔جس کی وجہ اس میں پائے جانے والی مضر صحت عناصر ہیں ۔مگر پاکستان میں گزشہ کئی سالوں میں کئی بناسپتی گھی بنانے والی بہت  سی کمپنیاں حرام اور مردہ جانوروں کی آلائشوں ہڈیوں اور چربی تک کو گھی بنانے کی لئیے استعمال کر رہیں تھیں چناچہ پنجاب فوڈ اتھارٹی نے ان تمام کمپنیوں کو لیبارٹری ٹیسٹ کے بعد حفظان صحت کے اصولں کی پامالی ...
مزید پڑھیں