قلمی کاوش

  بحیثیت پہلی اولاد اور بطور بیٹی میرا اپنے والد صاحب سے رشتہ بہت حسین رنگوں سے بھرا ہے۔دورانِ تعلیم یونیورسٹی میں ہم نے فرانسیسی زبان کے چند بنیادی جملے سیکھے تھے جو ہماری ڈگری کا حصہ تھے۔ تب سے لے کر اب تک میرا یہ معمول ہے کہ پاپا جب بھی گھر میں داخل ہوتے ہیں تو سلام کے بعد میں فرانسیسی میں ہی  ان کا حال پوچھتی  ہوں۔ پہلے پہل تو وہ نا سمجھی سے مجھے دیکھتے اور کہتے کہ سیدھی طرح بات کرو۔ میں خوب ہنستی اور پھرایک دن  انھیں اس جملے کا ترجمہ   اور اس کا جواب بتا کر کہا کہ آپ بھی مجھے اس کا جواب فرانسیسی میں ہی ایسے بول کردیا کریں۔مگر وہ  مجھے اس کا جواب ہمیشہ پنجابی میں ہی دیتے ہیں۔ گھر والے اس بات سے بہت محظوظ ہوتے ہیں۔ بھائی نے ایک دن کہا اس سے آگے بھی کچھ فرانسیسی میں بول لیا کرو۔ میں نے کہا فرانسیسی مجھے جتنی آتی ہے وہ سب سنا دی ہے۔ ہمارے والد صاحب کو کھانا پکانے کا شوق ہے۔ خودبہت اچھا کھانا پکانے کے باوجود جب تک وہ کچن میں مجھے اپنے پاس کھڑا نہیں کر لیتے انھیں تسلی نہیں ہوتی۔ میں کسی کام سے کچن سے باہر نکلوں بھی تو چند لمحوں میں ہی میرے نام کی پکار س...

  کسی کی خوشی کے مواقع ان  کے لیے ہمارےدلی جذبات کے اظہار کا ذریعہ ہوتے ہیں۔ خود سے جڑے لوگوں کو  اپنی چاہت کا احساس دلانا بہت ضروری ہوتا ہے کہ وہ ہمارے لیے کتنے اہم ہیں۔ میری سالگرہ کے دن کو مزید خاص بنانے والے گھر والوں والدین اور بھائی بہن کا شکریہ جو ہر بار اس دن میرے لیے کچھ نہ کچھ اچھا کرنےکے لیے کوشاں رہتے ہیں۔  سی بی جو چند دن ڈائٹ فالو کرنے کا پلان کرتے ہوئے اس پہ عمل شروع کرتا ہے مگر کچھ ہی دن میں اپنی پرانی ڈگر پہ واپس چل پڑتا ہے۔ انابیہ جسے ہمیشہ خود سے زیادہ اپنے رشتوں کا خیال ہوتا ہے وہ آج بھی ہرسال کی طرح میرے لیے گھن چکر بنی رہی ہے۔سب سے زیادہ خصوصی ذکر کرنا چاہتی ہوں ہمارے آنگن کے ننھے ستارے بہت بہت پیارے بھانجے محمد ولی کا جس کا وجود  میرے لیےاس کی پیدائش سے لے کر اب تک جگنو کی مانند ہے۔ وہ میرے لیے آج  جس طرح پُرجوش اور خوش رہا ہے میرے لیے یہ سب سے زیادہ خوبصورت ہے۔دعا ہے کہ اس کی چمک سدا یونہی قائم و دائم رہے، آمین۔ بہت پیاری دوست راحیلہ کوثر جس نے میرے لیے مصروفیات سے وقت نکال کر اپنے پیارے جذبات کا تحریری شکل میں اظہار کیا۔ میں سمجھتی ...

 آج میری بہت ہی پیاری نفیس الفطرت ، دانشمند اور خوبصورت قلمکار دوست علینہ ظفر کی سالگرہ ہے ۔  علینہ پچھلےدو سالوں سے میرے  جنم دن کے مو قع پر  ایک پر خلوص تحریر بطور تحفہ عین 5جون کے نصف شب اور 6جون کے آغاز کے اوقات میں عنایت کرتی ہے تو دل باغ باغ ہو جاتا ہے ۔ ویسے بھی محبت اور دوستی بغیر اظہار کے اس غبارے کی مانند ہو تے ہیں جس میں ہوا نا ہو اس قمقمے کی مانند ہوتے ہیں جو تکنیکی اعتبار سے درست کام کرنے کی قابلیت رکھتے ہو ئےبھی برقی رو کے منقطع ہونے کے سبب گل ہو ۔۔۔ تو اظہار محبت طویل تعلق کی عین شرط ہے ۔۔ اور برج جوزا کی حساس و نازک طبعیت کے سبب ان کے لیئے تو یہ آکسیجن کی مانند ہے ۔۔۔ جہاں اس کی کمی ہوئی محبت کی سانس اکھرتی ہو ئی معلوم ہوتی ہے ۔۔تومحبت اور دوستی کی حیات کو طول دینے کے لیئے ہم نے بھی آج اظہار نامہ لکھ ہی چھوڑا ۔۔۔ تم مجھے تب ملی جب میں خطر ناک حد تک معصوم اور  سادہ لوہ تھی  تب مجھے جو دکھتا تھا میں اسی کو سچ مان لیتی تھی جھوٹ پکڑنا لوگوں کی فنکاریوں کو پہچاننا ان سب کی ردی بھر بھی صلاحیت نا تھی مجھ میں اور میں پڑھے لکھے لوگوں سے اعلی کردار کے...

 راحیلہ کوثر کا شمار میری بہت پیاری دوستوں میں ہوتا ہے۔راحیلہ کی سب سے اچھی بات یہ ہے کہ وہ کسی بھی کام کو بہت مخلص ہو کر اور سنجیدگی سے انجام دیتی ہے۔ہم میں سے بہت سے ایسے لوگ ہیں جو بناغرض کوئی تعلق قائم نہیں رکھتے مگر کام سے جڑے رہنے کے علاوہ بھی وہ ہمیشہ مجھ سے رابطہ رکھتی ہے۔ میری زندگی کے جھمیلے ہی کچھ ایسے ہیں کہ ان میں الجھے رہنے کے باعث میں اکثر رابطہ کرنے میں پہل نہیں کر پاتی۔ اور یہ شکایت اکثر ہی اسے مجھ سے رہتی ہے  مگر یہ اس کی پُر خلوص چاہت کا اثر ہے جو میرے چند خاص دوستوں کی فہرست میں اس کا نام ہمیشہ جگمگاتا رہتا ہے۔ بہت سے لوگ جب کسی کو خود سے زیادہ کچھ اچھا کرتے یا کامیاب ہوتے دیکھتے ہیں تو ان سے آگے بڑھتا دیکھنے کا حوصلہ نہیں رکھتے۔ مگر میری یہ دوست  بہت شفاف دل کی مالک ہے۔ اسے کسی کی کوئی بات اچھی لگے تو اس کی تعریف کرتے ہوئے اظہار بھی کرتی ہے۔ خود اچھا لکھنے کے باوجود بھی کئی مرتبہ میری تحریروں کی بھی حوصلہ افزائی کرتی ہے۔پنجاب یونیورسٹی سے ہم نے ماسٹرز کی تعلیم ایک ساتھ حاصل کی تھی۔ میری طرح وہ بھی برج جوزا سے تعلق رکھتی ہےاورمیری  ہی طرح وہ ...