آج پیسہ غیرت پر بھاری پڑ گیا


تحریر: راحیلہ کوثر


11 

ستمبر2019ء میں ایک حوا کی بیٹی نائلہ حافظہ آباد کے ایک گنجان آباد علاقے سے ملی۔ اُس کے سگے بھائیوں نے اُسے پچھلے 20 سالوں سے ایک غلیظ اور بدبودار کمرے میں قید کر ررکھا تھا اور نائلہ پچھلے 20 سالوں سے جانوروں سے بدتر زندگی گزارنے پر مجبور تھی اس کے لیے اُس کے درندہ صفت بھائی دو وقت کا کھانا شاپر میں ڈال کر پھینک جاتے  اس غلاظت سے بھرے کمرے میں پڑے پڑے نائلہ کے جسم میں کیڑے پڑ چکے تھے۔ اس کی جوانی اس تعفن کی بھینٹ چڑھ چکی تھی جو اس کے ہی وجود سے اٹھ رہا تھا اس کے ظالم اور حریص بھائیوں نے اُس پر یہ ظلم صرف اور صرف جائیداد کی لالچ میں ڈھایا تھا یعنی کہ وہ نہیں چاہتے تھے کہ باپ کی دولت کی اک پائی بھی بہن کو ملے ۔ ان اعلی تعلیم یافتہ جاہلوں اور سفاکوں کو  کو یہ گوارہ ہی نہیں تھا بہن کو اس کا وراثتی حق دیں جو اس کے لئیے اللہ نے مقرر کر رکھا ہے ۔  سورۃ النساء کی آیت نمبر 12,11اور 176میں وراثت کے قوانین، اصول او ر بالخصوص عورتوں کی  وراثت کے تمام مسائل کو واضح طور پر بیان کر دیا گیا ہے اور اس کی پاسداری نہ  کرنے پر سخت وعید بھی سنائی گئی ہے۔ مگر افسوس کی بات یہ ہے کہ پھر بھی ہمارے معاشرے میں بھائی وراثت میں سے بہنوں کو بے دخل کردیتے ہیں اور یوں وہ دنیا کے چند سکوں کے عوض عاقبت کو بیچ دیتے ہیں۔میں رشتوں کی اس بے ثباتی پر ماتم ہی کر سکتی ہوں۔ کتنا سفاک ہے انسان کہ زرا سی طاقت و اختیارات کیا ملے خدا بن بیٹھتا ہے ۔ آج ایسی ہی افسوس ناک ویڈیو کے مناظر میری نظروں سے گزرے جہاں دو مرد ایک عورت پر ہیلمٹ اور ہتھوڑی کے پے درپے وار کر رہے تھے اور ان درندوں کی سفاکیت سے صاف ظاہر تھا کہ وہ عورت کو پیروں کی جوتی سمجھتے ہیں یہ ظلم و بربریت ڈھانے  والے  یہ دو مرد ‏‎


کے پی کے ، پشاور کے علاقے آمین کالونی کے رہائشی  آفتاب اور ارشد ہیں اور ان کے ہاتھوں قتل ہونے کی حد تک پٹنے والی کوئی اور نہیں انکی بہن بدر سلطان ہے۔ جھگڑا فقط آبائی مکان کا ہے اورانہیں اپنی بہن کا  وراثت  میں اپنے خدا کے دیئے حق کو جرگہ میں مانگنا  اس قدر ہتک آمیز لگا کہ اپنی مردانگی کے زوم میں وہ  شیطان بن گئیے ۔ جن کو ماں کا لحاظ نہیں ان سے بہن کی عزت کی کیا توقع، دکھ تو یہ کہ ہیں  بھی پختون۔۔۔  اب  کدھر گئ ان کی غیرت ان کی حیا پردہ داری کون غیرت مند بھائی اپنی بہن کا آنچل کھینچتا ہے اسے نوچتا ہے یا گھسیٹا پیٹتا ہے ؟ آج پیسہ عزت  و غیرت پر بھاری پڑ گیا تھو ہے تم جیسے مردوں کی مردانگی اور لنڈے کی  غیرت پر ۔

اللہ تعالیٰ سورۃ النساء کی پہلی آیت میں فرماتے ہیں ” لوگواپنے رب سے ڈرو جس نے تم کو ایک جان سے پیدا کیا اور اُسی جان سے اُسکا جوڑا بنایا اور دونوں سے بہت سے مرد اور عورتیں دنیا میں پھیلا دیے۔اُس خدا سے ڈرو جس کا واسطہ دے کر تم ایک دوسرے سے اپنا حق مانگتے ہواور رشتہ اور قرابت کے تعلقات بگاڑنے سے گریز کرویقین جانو اللہ تم پر نگرانی کر رہا ہے۔

آج  اللہ نے بھی ان کے  کرتوت دنیا کے سامنے لا کر انہیں نفرت کی علامت بنا ڈالا اس سے بڑھ کر اور پستی و زلت کیا ہو سکتی ہے کہ آج اس سوشل میڈیا پر وائرل ویڈیو نے بند کمروں میں ان کے ڈھائے ہوئے ظلم کو ہر درد دل رکھنے والی آنکھ کو دیکھایا اور انہیں جیل کی سلاخوں کے پیچھے پہنچایا اب وہی اللہ یکتا انہیں کیفرکردار تک بھی پہنچائے گا اور جو حق وہ کھانا چاہتے تھے ان کے حلق سے نکلوائے گا .

مجھے انتظار رہے گا  ان بھایئوں کو ان کے کیے کی قانون کے مطابق سخت سے سخت سزا ملنے کا۔

تبصرے

ایک تبصرہ شائع کریں

اس بلاگ سے مقبول پوسٹس

چھپڑ کے مینڈک اور کھابہ گاہیں

تصویر
تحریر: راحیلہ کوثر  لاہور اور لا ہوریوں کا کھابوں سے چولی دامن کا تعلق ہے۔ بات جب مرچ مصالحہ اور چکن ،مٹن یا بیف کی ہو تو لاہوری نہیں ہاتھ کھینچتے  اور چڑوں کے تو سب کےسب ہی شیدائ ہیں۔ایک دور تھا کہ دیسی مرغ کی ہانڈی کھا کر ہی دل خوش ہو جاتا تھا۔ آلو گوشت اور گوشت پلاو اور کباب گھر میں ہی سب بنا کر کھاتے  تھے۔ نہ تب شوادمے تھے نہ ذنگر ونگر، بہت حد تھی بھی تو شامی برگر  تک ہی رسائی تھی۔گھروں سے باہر جا کر کھانا کھانے کو ذیادہ تر گھرانوں میں معیوب سمجھا جاتا تھا۔پھر جوں جوں وقت گزرتا گیا روایات بھی بدلتی گئیں ۔مہینے میں دو سے تین بار باہر بمع اہل  و ایال جا کر کھانا ایک طرح کا فیشن ہی بن گیا۔ دیکھتے ہی دیکھتے نت نئے کھابے مارکیٹ میں آنے لگے چپے چپے پر ہوٹل کھلنے لگے۔اب ہرطعتیل کا باہر سے کھائے پئیے بنا مکمل ہونے کا تصور ہی ممکن نہ رہا۔اب مقابلہ باذی کا آغاذ ہوا کہ کس کس ہربہ سے گاہک کو گھیرا جائے۔لا تعداد قومی اور بین الاقوامی پکوان متعارف اور مقبول ہوتے گئے۔ جن میں سر فہرست برگر اور شوارما ہیں۔ جیسے جیسے یہ کھابےعوام الناس میں مقبول ہوتے گئے...
مزید پڑھیں

سالگرہ مبارک

تصویر
آج پیاری بہن ڈاکٹر مہوش اعجاز کی سالگرہ ہے۔مہوش کی سالگرہ کے موقع پر  تحریر کا آغاز کرتے ہوئے اس کے بھائی شفیق علی  کی بات یاد آئی جسے سب علی کہہ کے بلاتے ہیں۔ علی نے ایک مرتبہ میرا لکھا کوئی آرٹیکل پڑھ کر اپنا حوالہ دیتے ہوئے مجھ سے کہا کہ علینہ باجی کبھی اپنے یہ والے بہن بھائیوں کے بارے میں بھی کچھ لکھ لیں۔  تب میں نے اس تحریر کو سرپرائز رکھنے کی غرض سے اسے یہ کہہ کر ٹال دیا کہ جب موقع آیا تو ضرور لکھوں گی، ابھی بے موقع لکھنا مناسب نہیں ہے۔ تب میں نے یہ سچ بھی کہا تھا۔مہوش کو ہم اس کے اصلی نام سے کم اور پیار کے نام  چندا سےمخاطب زیادہ کرتے ہیں۔ چندا اور میری فیملیز کو ایک ساتھ رہتے ہوئے سات آٹھ سال کا عرصہ کیسےگزر گیا پتا بھی نہیں چلا۔ انسان کی زندگی میں کچھ لوگوں سے دل کے تار  کچھ اس طرح ملے ہوتے ہیں جن کے بارے میں یوں لگتا ہے جیسے ان سے آنکھ کھولتے ہی  دل کا رشتہ قائم ہو گیا تھا۔تو اس خاندان سے بھی ہمارا وہی دل کا رشتہ  استوارہے۔ چندا کا ایم بی بی ایس اور میرا ایم ایس صحافت  تقریباً ایک ساتھ ہی مکمل ہوا تھا۔ مجھے یاد ہے میں گھر کے نیچ...
مزید پڑھیں

شاپر کے بعد اب بناسپتی گھی بھی BANNED مگر کیوں ؟

تصویر
تحریر :راحیلہ کوثر پرسوں مجھے گروسری کے سلسلے میں لاہور کے مشہور شاپنگ مال جانے کی ضرورت پیش آئی  ۔ دیگر اشیاء خرید لینے کے بعد بناسپتی گھی کی تلاش شروع ہوئی تو ہرسوں ککنگ آئل کے ہی دیدار ہوئے پھر لگا کہ شائد ہمیں ہی کچھ مبالغہ ہو رہا ہے چنانچہ قریبی کھڑے اسٹاف ممبر سے دریافت کیا کہ گھی ہمیں ہی نہیں دکھ رہا یا واقعہ تن غائب ہے۔ تو اس نے بتایا کہ بناسپتی گھی بین ہو گیا ہے میں نے جب  اس سے وجہ دریافت کی تو اس نے لا علمی کا اظہار کیا ۔ مجھے بے ساختہ ہنسی آگئی کہ شاپر کے بعد  اب بناسپتی گھی  بھی بین۔ تو بال آخر محکمہ ماحولیات کے بعد محکمہ خوراک کو بھی ہماری صحت کی کچھ فکر ہوئی۔ کیونکہ دنیا کے کئی ممالک میں بناسپتی گھی بہت پہلے سے ہی بین ہے ۔جس کی وجہ اس میں پائے جانے والی مضر صحت عناصر ہیں ۔مگر پاکستان میں گزشہ کئی سالوں میں کئی بناسپتی گھی بنانے والی بہت  سی کمپنیاں حرام اور مردہ جانوروں کی آلائشوں ہڈیوں اور چربی تک کو گھی بنانے کی لئیے استعمال کر رہیں تھیں چناچہ پنجاب فوڈ اتھارٹی نے ان تمام کمپنیوں کو لیبارٹری ٹیسٹ کے بعد حفظان صحت کے اصولں کی پامالی ...
مزید پڑھیں