تین سالہ حکومتی اقتدار

 


 پی ٹی آئی حکومت   کے تین سال مکمل ہوتے ہیں۔  پاکستان تحریک انصاف کو جب ملک کی باگ ڈور سنبھالنا پڑی تو اس وقت ملک کو بہت زیادہ دشواریوں اور بڑے چیلنجز کا سامنا تھا۔ حکمران جماعت نے 2018 میں اپنے منشور کی رونمائی کے وقت اپنے لیے بلند نظر اور پُرجوش  اہداف مقرر کیے تھے جس میں ملک کو "نیا پاکستان" میں تبدیل کرنے کا ایک وسیع منصوبہ شامل تھا۔ کچھ معاملات میں حکومت نے پارٹی نعرے کے ساتھ انصاف کیا ہے جبکہ دیگر شعبوں میں کام جاری ہے۔ 

پاکستان تحریک انصاف کی حکومت کی سب سے واضح کامیابی خارجہ پالیسی کے میدان میں رہی ہے ۔ مسئلہء  کشمیر  کو عالمی سطح پر اجاگر کرنے ، افغان امن عمل کو آسان بنانے  اور اسلامو فوبیا کا مقابلہ کرنے کے حوالے سے پاکستان کی کوششوں کو اب عالمی برادری تسلیم کر رہی ہے ۔   ان میں پاکستان کی  ان تمام کاوشوں  اور اہمیت کے بارے میں احساس پیدا ہوتا دکھائی دے رہا ہے۔

معاشی محاذ پر پی ٹی آئی  کی کارکردگی  احسن انداز میں بلندیوں کی سطح کو نہیں چھو سکی اور معاشی پالیسیوں  پر نظر ثانی مزید  توجہ طلب ہے۔ بلاشبہ کوویڈ  کی عالمی وبا نے بھی حکومتی کاموں اور اس  کے معاشی ایجنڈے میں خلل ڈالا ہے۔ تاہم مہنگائی  ایک سنگین مسئلہ ہے جو ہماری آبادی کے انتہائی پسماندہ طبقے کو شدید متاثر کرتا ہے۔ کرنٹ اکاؤنٹ کا خسارہ ایک بار پھر بڑھ رہا ہے جس پر قابو نہ پایا گیا تو خطرناک ہو سکتا ہے۔ ٹیکس کا نظام، مالیاتی آلات کے استعمال میں اضافہ اور دیگر کئی اب بھی ایسے شعبے ہیں جن پر کام کرنے کی ضرورت ہے۔ 

اس کے باوجود گزشتہ تین سالوں کے دوران حکومت کے عوام پر مرکوز خصوصی پروگراموں اور اہم اقدامات والے کاموں  کو سراہنا  بے جا نہ ہو گا۔  حکومت نے بے نظیر انکم اسپورٹ پروگرام اور احساس پروگرام کے تحت مختلف دیگر منصوبوں پر کام کیا ہے۔ یہ بات قابل ذکر ہے کہ ورلڈ بینک نے پاکستان کے احساس ایمرجنسی کیش پروگرام کو چار عالمی سماجی تحفظ کے اقدامات میں شامل کیا ہے جو کہ لوگوں کی تعداد پر محیط ہے۔ اس کے علاوہ دیگر اقدامات جیسے کم لاگت والے ہاؤسنگ پراجیکٹس ، ہیلتھ کارڈز کی توسیع ،کے پی میں یونیورسل ہیلتھ کیئر کی فراہمی ، یکساں تعلیمی نصاب اور بلین ٹری سونامی پروگرام بھی  حکومتی کاموں میں نمایاں ہیں۔ اس حکومت کی مدت میں ابھی تقریباً دو سال باقی ہیں لہذا حکومت کو چاہیئے کہ وہ آنے والے برسوں میں اپنی کامیابیوں کی اس رفتار کو آگے بڑھاتے ہوئےمُثبت کاموں کو  جاری رکےپبالخصوص ان  شعبوں میں جہاں بہت کچھ کرنے کی ضرورت ہے۔

از قلم، علینہ ظفر

تبصرے

ایک تبصرہ شائع کریں

اس بلاگ سے مقبول پوسٹس

چھپڑ کے مینڈک اور کھابہ گاہیں

تصویر
تحریر: راحیلہ کوثر  لاہور اور لا ہوریوں کا کھابوں سے چولی دامن کا تعلق ہے۔ بات جب مرچ مصالحہ اور چکن ،مٹن یا بیف کی ہو تو لاہوری نہیں ہاتھ کھینچتے  اور چڑوں کے تو سب کےسب ہی شیدائ ہیں۔ایک دور تھا کہ دیسی مرغ کی ہانڈی کھا کر ہی دل خوش ہو جاتا تھا۔ آلو گوشت اور گوشت پلاو اور کباب گھر میں ہی سب بنا کر کھاتے  تھے۔ نہ تب شوادمے تھے نہ ذنگر ونگر، بہت حد تھی بھی تو شامی برگر  تک ہی رسائی تھی۔گھروں سے باہر جا کر کھانا کھانے کو ذیادہ تر گھرانوں میں معیوب سمجھا جاتا تھا۔پھر جوں جوں وقت گزرتا گیا روایات بھی بدلتی گئیں ۔مہینے میں دو سے تین بار باہر بمع اہل  و ایال جا کر کھانا ایک طرح کا فیشن ہی بن گیا۔ دیکھتے ہی دیکھتے نت نئے کھابے مارکیٹ میں آنے لگے چپے چپے پر ہوٹل کھلنے لگے۔اب ہرطعتیل کا باہر سے کھائے پئیے بنا مکمل ہونے کا تصور ہی ممکن نہ رہا۔اب مقابلہ باذی کا آغاذ ہوا کہ کس کس ہربہ سے گاہک کو گھیرا جائے۔لا تعداد قومی اور بین الاقوامی پکوان متعارف اور مقبول ہوتے گئے۔ جن میں سر فہرست برگر اور شوارما ہیں۔ جیسے جیسے یہ کھابےعوام الناس میں مقبول ہوتے گئے...
مزید پڑھیں

سالگرہ مبارک

تصویر
آج پیاری بہن ڈاکٹر مہوش اعجاز کی سالگرہ ہے۔مہوش کی سالگرہ کے موقع پر  تحریر کا آغاز کرتے ہوئے اس کے بھائی شفیق علی  کی بات یاد آئی جسے سب علی کہہ کے بلاتے ہیں۔ علی نے ایک مرتبہ میرا لکھا کوئی آرٹیکل پڑھ کر اپنا حوالہ دیتے ہوئے مجھ سے کہا کہ علینہ باجی کبھی اپنے یہ والے بہن بھائیوں کے بارے میں بھی کچھ لکھ لیں۔  تب میں نے اس تحریر کو سرپرائز رکھنے کی غرض سے اسے یہ کہہ کر ٹال دیا کہ جب موقع آیا تو ضرور لکھوں گی، ابھی بے موقع لکھنا مناسب نہیں ہے۔ تب میں نے یہ سچ بھی کہا تھا۔مہوش کو ہم اس کے اصلی نام سے کم اور پیار کے نام  چندا سےمخاطب زیادہ کرتے ہیں۔ چندا اور میری فیملیز کو ایک ساتھ رہتے ہوئے سات آٹھ سال کا عرصہ کیسےگزر گیا پتا بھی نہیں چلا۔ انسان کی زندگی میں کچھ لوگوں سے دل کے تار  کچھ اس طرح ملے ہوتے ہیں جن کے بارے میں یوں لگتا ہے جیسے ان سے آنکھ کھولتے ہی  دل کا رشتہ قائم ہو گیا تھا۔تو اس خاندان سے بھی ہمارا وہی دل کا رشتہ  استوارہے۔ چندا کا ایم بی بی ایس اور میرا ایم ایس صحافت  تقریباً ایک ساتھ ہی مکمل ہوا تھا۔ مجھے یاد ہے میں گھر کے نیچ...
مزید پڑھیں

شاپر کے بعد اب بناسپتی گھی بھی BANNED مگر کیوں ؟

تصویر
تحریر :راحیلہ کوثر پرسوں مجھے گروسری کے سلسلے میں لاہور کے مشہور شاپنگ مال جانے کی ضرورت پیش آئی  ۔ دیگر اشیاء خرید لینے کے بعد بناسپتی گھی کی تلاش شروع ہوئی تو ہرسوں ککنگ آئل کے ہی دیدار ہوئے پھر لگا کہ شائد ہمیں ہی کچھ مبالغہ ہو رہا ہے چنانچہ قریبی کھڑے اسٹاف ممبر سے دریافت کیا کہ گھی ہمیں ہی نہیں دکھ رہا یا واقعہ تن غائب ہے۔ تو اس نے بتایا کہ بناسپتی گھی بین ہو گیا ہے میں نے جب  اس سے وجہ دریافت کی تو اس نے لا علمی کا اظہار کیا ۔ مجھے بے ساختہ ہنسی آگئی کہ شاپر کے بعد  اب بناسپتی گھی  بھی بین۔ تو بال آخر محکمہ ماحولیات کے بعد محکمہ خوراک کو بھی ہماری صحت کی کچھ فکر ہوئی۔ کیونکہ دنیا کے کئی ممالک میں بناسپتی گھی بہت پہلے سے ہی بین ہے ۔جس کی وجہ اس میں پائے جانے والی مضر صحت عناصر ہیں ۔مگر پاکستان میں گزشہ کئی سالوں میں کئی بناسپتی گھی بنانے والی بہت  سی کمپنیاں حرام اور مردہ جانوروں کی آلائشوں ہڈیوں اور چربی تک کو گھی بنانے کی لئیے استعمال کر رہیں تھیں چناچہ پنجاب فوڈ اتھارٹی نے ان تمام کمپنیوں کو لیبارٹری ٹیسٹ کے بعد حفظان صحت کے اصولں کی پامالی ...
مزید پڑھیں